سورۃ المطففین
سُورَةُ المُطَفِّفِينَ · سورت نمبر 83 · مکی · 36 آیات
سورۃ المطففین کے موضوعات
اس سورت کی آیات پر مبنی مطالعہ گائیڈز (انگریزی میں)، سب سے زیادہ متعلقہ پہلے۔
سورۃ المطففین اردو ترجمہ کے ساتھ پڑھیں
-
83:1
بِسْمِ ٱللَّهِ ٱلرَّحْمَٰنِ ٱلرَّحِيمِ وَيْلٌۭ لِّلْمُطَفِّفِينَ
ناپ اور تول میں کمی کرنے والوں کے لیے خرابی ہے
-
83:2
ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ
جو لوگوں سے ناپ کر لیں تو پورا لیں
-
83:3
وَإِذَا كَالُوهُمْ أَو وَّزَنُوهُمْ يُخْسِرُونَ
اور جب ان کو ناپ کر یا تول کر دیں تو کم کر دیں
-
83:4
أَلَا يَظُنُّ أُو۟لَٰٓئِكَ أَنَّهُم مَّبْعُوثُونَ
کیا یہ لوگ نہیں جانتے کہ اٹھائے بھی جائیں گے
-
83:5
لِيَوْمٍ عَظِيمٍۢ
(یعنی) ایک بڑے (سخت) دن میں
-
83:6
يَوْمَ يَقُومُ ٱلنَّاسُ لِرَبِّ ٱلْعَٰلَمِينَ
جس دن (تمام) لوگ رب العالمین کے سامنے کھڑے ہوں گے
-
83:7
كَلَّآ إِنَّ كِتَٰبَ ٱلْفُجَّارِ لَفِى سِجِّينٍۢ
سن رکھو کہ بدکارروں کے اعمال سجّین میں ہیں
-
83:8
وَمَآ أَدْرَىٰكَ مَا سِجِّينٌۭ
اور تم کیا جانتے ہوں کہ سجّین کیا چیز ہے؟
-
83:9
كِتَٰبٌۭ مَّرْقُومٌۭ
ایک دفتر ہے لکھا ہوا
-
83:10
وَيْلٌۭ يَوْمَئِذٍۢ لِّلْمُكَذِّبِينَ
اس دن جھٹلانے والوں کی خرابی ہے
-
83:11
ٱلَّذِينَ يُكَذِّبُونَ بِيَوْمِ ٱلدِّينِ
(یعنی) جو انصاف کے دن کو جھٹلاتے ہیں
-
83:12
وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ
اور اس کو جھٹلاتا وہی ہے جو حد سے نکل جانے والا گنہگار ہے
-
83:13
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ
جب اس کو ہماری آیتیں سنائی جاتی ہیں تو کہتا ہے کہ یہ تو اگلے لوگوں کے افسانے ہیں
-
83:14
كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا۟ يَكْسِبُونَ
دیکھو یہ جو (اعمال بد) کرتے ہیں ان کا ان کے دلوں پر زنگ بیٹھ گیا ہے
-
83:15
كَلَّآ إِنَّهُمْ عَن رَّبِّهِمْ يَوْمَئِذٍۢ لَّمَحْجُوبُونَ
بےشک یہ لوگ اس روز اپنے پروردگار (کے دیدار) سے اوٹ میں ہوں گے
-
83:16
ثُمَّ إِنَّهُمْ لَصَالُوا۟ ٱلْجَحِيمِ
پھر دوزخ میں جا داخل ہوں گے
-
83:17
ثُمَّ يُقَالُ هَٰذَا ٱلَّذِى كُنتُم بِهِۦ تُكَذِّبُونَ
پھر ان سے کہا جائے گا کہ یہ وہی چیز ہے جس کو تم جھٹلاتے تھے
-
83:18
كَلَّآ إِنَّ كِتَٰبَ ٱلْأَبْرَارِ لَفِى عِلِّيِّينَ
(یہ بھی) سن رکھو کہ نیکوکاروں کے اعمال علیین میں ہیں
-
83:19
وَمَآ أَدْرَىٰكَ مَا عِلِّيُّونَ
اور تم کو کیا معلوم کہ علیین کیا چیز ہے؟
-
83:20
كِتَٰبٌۭ مَّرْقُومٌۭ
ایک دفتر ہے لکھا ہوا
-
83:21
يَشْهَدُهُ ٱلْمُقَرَّبُونَ
جس کے پاس مقرب (فرشتے) حاضر رہتے ہیں
-
83:22
إِنَّ ٱلْأَبْرَارَ لَفِى نَعِيمٍ
بےشک نیک لوگ چین میں ہوں گے
-
83:23
عَلَى ٱلْأَرَآئِكِ يَنظُرُونَ
تختوں پر بیٹھے ہوئے نظارے کریں گے
-
83:24
تَعْرِفُ فِى وُجُوهِهِمْ نَضْرَةَ ٱلنَّعِيمِ
تم ان کے چہروں ہی سے راحت کی تازگی معلوم کر لو گے
-
83:25
يُسْقَوْنَ مِن رَّحِيقٍۢ مَّخْتُومٍ
ان کو خالص شراب سربمہر پلائی جائے گی
-
83:26
خِتَٰمُهُۥ مِسْكٌۭ ۚ وَفِى ذَٰلِكَ فَلْيَتَنَافَسِ ٱلْمُتَنَٰفِسُونَ
جس کی مہر مشک کی ہو گی تو (نعمتوں کے) شائقین کو چاہیے کہ اسی سے رغبت کریں
-
83:27
وَمِزَاجُهُۥ مِن تَسْنِيمٍ
اور اس میں تسنیم (کے پانی) کی آمیزش ہو گی
-
83:28
عَيْنًۭا يَشْرَبُ بِهَا ٱلْمُقَرَّبُونَ
وہ ایک چشمہ ہے جس میں سے (خدا کے) مقرب پیئیں گے
-
83:29
إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ
جو گنہگار (یعنی کفار) ہیں وہ (دنیا میں) مومنوں سے ہنسی کیا کرتے تھے
-
83:30
وَإِذَا مَرُّوا۟ بِهِمْ يَتَغَامَزُونَ
اور جب ان کے پاس سے گزرتے تو حقارت سے اشارے کرتے
-
83:31
وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ
اور جب اپنے گھر کو لوٹتے تو اتراتے ہوئے لوٹتے
-
83:32
وَإِذَا رَأَوْهُمْ قَالُوٓا۟ إِنَّ هَٰٓؤُلَآءِ لَضَآلُّونَ
اور جب ان( مومنوں) کو دیکھتے تو کہتے کہ یہ تو گمراہ ہیں
-
83:33
وَمَآ أُرْسِلُوا۟ عَلَيْهِمْ حَٰفِظِينَ
حالانکہ وہ ان پر نگراں بنا کر نہیں بھیجے گئے تھے
-
83:34
فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ
تو آج مومن کافروں سے ہنسی کریں گے
-
83:35
عَلَى ٱلْأَرَآئِكِ يَنظُرُونَ
(اور) تختوں پر (بیٹھے ہوئے ان کا حال) دیکھ رہے ہوں گے
-
83:36
هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ
تو کافروں کو ان کے عملوں کا (پورا پورا )بدلہ مل گیا
اردو ترجمہ: مولانا فتح محمد جالندھری۔